Hér eru 7 barnasögur af gamla skólanum. Sögurnar heita: Gullgæsin (höfundur ókunnur). Kindin og svínið (höfundur ókunnur). Karlssonur og kötturinn hans (höfundur ókunnur). Yo Lo bjargar keisaradótturinni (höfundur ókunnur). Drengurinn sem fór að synda í vatninu (úr dæmisögum Esóps). Hrafnarnir sjö (úr Grimmsævintýrum). Kennslustund í auðmýkt (höfundur ókunnur). Sögurnar taka um 39 mínútur í lestri.

Lesarar eru Margrét Ingólfsdóttir, Birgir Ísleifur Gunnarsson, Gunnar Hansson, Ingibjörg Sól Ingólfsdóttir, Guðrún Helga Jónsdóttir og Guðrún Elva Guðmundsdóttir.

Í bókinni Frásagnir um Einar Benediktsson er leitast við að gefa heildarsvip af manninum og skáldinu Einari Benediktssyni. Frú Valgerður Benediktsson ritar þar meginefni bókarinnar. Var hún hvött til þess af mörgum mætum mönnum þar sem hún, eiginkona Einars og barnsmóðir, væri eina manneskjan sem gæti lýst ævi hans nokkuð vel eftir nær þrjátíu ára sambúð. Einnig fjallar hún um ljóð hans og eru mörg þeirra birt í bókinni. Ævi þeirra hjóna er um margt merkileg og ólík ævi hins venjulega Íslendings á þessum árum. Þau bjuggu víða, þar á meðal í Englandi, Noregi og Danmörku. Einari var mjög umhugað um að Ísland kæmist út úr þeirri andlegu og fjárhagslegu örbirgð sem hann taldi þjóðina vera í. Hann barðist fyrir því að Íslendingar virkjuðu fallvötnin og nýttu sér heita vatnið. Einnig barðist hann fyrir því að rjúfa einangrun landsins með tilkomu loftskeytasambands milli Íslands og meginlands Evrópu. Hann átti þó ekki alltaf erindi sem erfiði með sín baráttumál. Einnig var hann oft umdeildur og þótti sumum erfitt að skilja hann, bæði ljóðin og baráttu hans fyrir velferð Íslands. Um hann gengu margar sögur, meðal annars þær að hann hefði selt erlendum auðmönnum jarðskjálfta Íslands og norðurljósin.

Frú Valgerði til aðstoðar við skráningu bókarinnar var Guðni Jónsson, Mag. Art. Þrír til viðbótar rita kafla í bókina: Benedikt Sveinsson skjalavörður segir frá þjóðmálastarfi og stefnu Einars. Benedikt var samherji Einars og þekkti hann vel. Árni Pálsson prófessor var mágur Einars. Hann ritar hér endurminningar um Einar og leitast við að lýsa þessum stórbrotna manni. Að lokum ritar Árni Jónsson frá Múla skemmtilega lýsingu á skáldinu Einari, hæfileikum hans sem kaupsýslumanni, persónutöfrum hans og skapferli.

Bókin kom fyrst út hjá Ísafoldarprentsmiðjunni árið 1942.

Þóra Hjartardóttir les.

Spæjarinn snjalli Guy Garrick og félagi hans, Tom Marshall, rannsaka dularfull sakamál. Sögusviðið er New York við upphaf tuttugustu aldar. Sagan kom fyrst út árið 1914.

Bandaríski rithöfundurinn Arthur B. Reeve er hvað þekktastur fyrir sakamálasögur sínar af prófessornum Craig Kennedy og félaga hans, blaðamanninum Walter Jameson, en þeim félögum hefur verið líkt við Holmes og Watson. Halda margir því fram að Reeve hafi brotið blað í ritun sakamálasagna, einkum með áherslu sinni á að innleiða vísindi og tæknihyggju inn í sögur sínar; þar sé hann í raun fyrirrennari margra seinni tíma höfunda. Var hann mjög vinsæll á sínum tíma beggja vegna Atlantshafsins, í Bandaríkjunum og á Englandi.

Howard Skyman les á ensku.

Spæjaragildran fjallar eins og nafnið gefur til kynna um njósnir og átök stórvelda í Evrópu. Ungur Englendingur, Guy Poynton, verður vitni að sérkennilegum fundi í skógi í Þýskalandi. Hann heldur síðan til Parísar þar sem hann hverfur sporlaust. Systir hans, Phyllis, sem ætlaði að hitta hann þar, hverfur einnig og hefst þá mögnuð atburðarás.

Enski rithöfundurinn Edward Phillips Oppenheim (1866-1946) var á sínum tíma gríðarlega afkastamikill og vinsæll höfundur spennusagna. Hann skrifaði yfir 100 skáldsögur á árunum 1887-1943 og fjölda smásagna. Fjölmargar sögur hans hafa verið kvikmyndaðar.

Kristján Róbert Kristjánsson les.

Hér eru 6 barnasögur af gamla skólanum. Sögurnar heita: Konan í skónum, Lalli lati, Ljónaprinsinn, Kóngsdóttirin og skraddarinn, Litla Tvíeygð, og Óskirnar tvær. (Höfundar eru ókunnir.) Sögurnar taka um 56 mínútur í lestri.

Sigurður Arent Jónsson les.

Jóhannes Bjarnason segir hér frá mannlífi og staðháttum í Flatey á Skjálfanda og í Fjörðum. Báðar þessar byggðir eru komnar í eyði. Þar bjó áður talsvert af fólki, en lífsbaráttan var oft erfið. Byggð var í Fjörðum fram á miðja síðustu öld, en lagðist af í Flatey á sjöunda áratugnum.

Kristján Róbert Kristjánsson les.

Moonlight on the Snow er smásaga eftir Stephen Crane.

Ben Tucker les á ensku.

Systir Angela er mikil ástar- og örlagasaga. Hér segir frá ungri stúlku, Salome Howland, sem kemur ein til Boston í leit að vinnu. Hún er ráðin til starfa á sjúkrahúsi og þar verður hún til þess að bjarga lífi ungs læknis. Í kjölfarið fella þau hugi saman og gæfan virðist brosa við þeim. En margt fer öðruvísi en ætlað er. Hin tigna og drambsama fjölskylda læknisins reynir allt til að stía ungu hjónunum í sundur og svo fer að leiðir þeirra skilja. Margt ber á daga þeirra næstu tvö árin, en þá, fyrir að því er virðist algjöra tilviljun, hittast þau aftur í París. Hún hefur þá stundað hjúkrun undir vernd Gránunnufélagsins um nokkurt skeið sem systir Angela. Þegar farsótt brýst út í borginni, er það hún, dulbúin í nunnuklæðum, sem hjúkrar manni sínum og hans fólki, án þess að þau þekki hana. Svo kemur í ljós hvernig fer.

Sagan kom áður út í Sögusafni heimilanna árið 1968. Á ensku kom hún fyrst út árið 1892 undir titlinum Wedded by Fate; or, Sister Angela. Höfundurinn hét réttu nafni Sarah Elizabeth Forbush Downs og var bandarísk. Hún skrifaði fjölmargar skáldsögur, ýmist undir sínu eigin nafni eða undir dulnefnunum Georgie Sheldon og George Sheldon Downs.

Þóra Hjartardóttir les.

Egill er smásaga eftir norska rithöfundinn John Lie. Hér segir frá tíu ára dreng sem hefur skólanám í fyrsta skipti eftir að hafa alist upp í óbyggðum hjá föður sínum og ömmu. Hann mætir talsverðu mótlæti í fyrstu og fær óblíðar móttökur hjá sumum samnemenda. Hann gefst þó ekki upp og með tímanum fær hann tækifæri til að sýna hvað í honum býr. Sagan kom áður út á íslensku árið 1926 undir titlinum Egill á Bakka.

Höfundurinn, John Lie (1846-1916), var frá Þelamörk í Noregi. Hann starfaði sem kennari og bóndi auk þess að fást við skriftir. Hann skrifaði bæði sögur og ljóð og nutu mannlífs og sveitasögur hans talsverðra vinsælda.

Kristján Róbert Kristjánsson les.

Hér eru fjórar barnasögur af gamla skólanum. Sögurnar heita: Gleðiskjóðan, Kalli litli, Hjörturinn, og Gyllti fiskurinn (Höfundar eru ókunnir.) Sögurnar taka um 58 mínútur í lestri.

Sigurður Arent Jónsson les.