The Jungle Book er sígilt safn af sögum eftir enska rithöfundinn Rudyard Kipling. Hér segir frá drengnum Mowgli sem elst upp hjá úlfum í frumskógi á Indlandi. Sögurnar komu fyrst út á árunum 1893-1894 og hafa notið vinsælda allar götur síðan.

Rudyard Kipling var stórvirkur rithöfundur og skrifaði sögur fyrir bæði fullorðna og börn, auk þess sem hann var mikilsvirt ljóðskáld. Kipling, sem fæddist á Indlandi, var fyrsti Bretinn til að hljóta Nóbelsverðlaunin í bókmenntum og var það árið 1907. Í dag er hann einkum kunnur fyrir barnabækur sínar, The Jungle Book og Just So Stories, sem er nokkur synd þar sem margt af því sem hann skrifaði fyrir fullorðna stendur enn fyllilega undir nafni og á fullt erindi til samtímans. Smásögur hans þóttu mjög hugvitssamlega uppbyggðar og Kipling er almennt talinn hafa víkkað út smásöguformið. Sögur hans fyrir fullorðna hafa þó gjarnan þótt hafa verið hallar um of undir bresku heimsvaldastefnuna og sumir hafa jafnvel gengið svo langt að segja að hann sýni öðrum þjóðum hroka í skrifum sínum. Menn er þó ekki á eitt sáttir um það og hvað sem því líður þá bjó hann yfir stórkostlegum hæfileikum til að skrifa sögur.

Phil Chenevert les á ensku.

Bernskan eftir Sigurbjörn Sveinsson skiptist í tvo hluta, annars vegar safn stuttra frásagna úr æsku höfundar og hins vegar hugljúfar barnasögur. Sögurnar gerast í byrjun 20. aldar og flestar í sveit. Umhverfi barnanna er mjög ólíkt því umhverfi sem við flest búum við í dag og má því segja að sögurnar séu fróðleg og skemmtileg lesning fyrir alla sem vilja fræðast um lífið í gamla daga, leiki og störf sem jafnvel börnin þurftu að vinna. Lífsbaráttan var oft hörð og ekki sjálfsagt að allir kæmust lifandi frá henni og er trúin á æðri mátt oft eina hjálpræði þeirra sem í vanda eru staddir. Einnig er hér að finna mörg orð sem ekki eru hluti af daglegu málfari í dag en sem lýsa vel aðstæðum, leikjum og leikföngum, verkfærum, mat og matarílátum þessa tíma og gaman getur verið að ræða. Bókin var fyrst gefin út af Ísafoldarprentsmiðjunni árið 1948.

Þóra Hjartardóttir les.

Íslandsferð fyrir hundrað árum er brot úr ferðasögu austurríska landkönnuðarins Idu Pfeiffer um Ísland árið 1845. Þar segir hún frá því sem fyrir augu ber í ferð sinni um landið, fólki og staðháttum.

Kristján Róbert Kristjánsson les.

Bernskan eftir Sigurbjörn Sveinsson skiptist í tvo hluta, annars vegar safn stuttra frásagna úr æsku höfundar og hins vegar hugljúfar barnasögur. Sögurnar gerast í byrjun 20. aldar og flestar í sveit. Umhverfi barnanna er mjög ólíkt því umhverfi sem við flest búum við í dag og má því segja að sögurnar séu fróðleg og skemmtileg lesning fyrir alla sem vilja fræðast um lífið í gamla daga, leiki og störf sem jafnvel börnin þurftu að vinna. Lífsbaráttan var oft hörð og ekki sjálfsagt að allir kæmust lifandi frá henni og er trúin á æðri mátt oft eina hjálpræði þeirra sem í vanda eru staddir. Einnig er hér að finna mörg orð sem ekki eru hluti af daglegu málfari í dag en sem lýsa vel aðstæðum, leikjum og leikföngum, verkfærum, mat og matarílátum þessa tíma og gaman getur verið að ræða. Bókin var fyrst gefin út af Ísafoldarprentsmiðjunni árið 1948.

Þóra Hjartardóttir les.

The Door with Seven Locks er spennusaga eftir enska rithöfundinn Edgar Wallace (1875-1932). Rannsóknarlögreglumaðurinn Dick Martin, sem einnig er liðtækur vasaþjófur, dregst inn í rannsókn máls þar sem við sögu koma aðalsmaður á faraldsfæti, dularfullur vísindamaður og lyklar að leyndardómsfullu grafhýsi. Sér til aðstoðar við lausn málsins hefur hann yfirmann sinn sem helst ekki vill hreyfa sig frá skrifborðinu, heillandi bókavörð og skrautlega kumpána með langa sakaskrá.

Ben Tucker les á ensku.

Hér segir frá ævi og verkum tónskáldsins, hljómsveitarstjórans og fiðlusnillingsins Jóhanns Strauss II. (1825-1899), en fáir tónlistarmenn hafa notið jafn mikillar velgengni í lifanda lífi og hann. Bókin kom fyrst út hjá bókaútgáfunni Norðra rétt fyrir miðja síðustu öld. Hersteinn Pálsson þýddi.

Kristján Róbert Kristjánsson les.

Hér eru átta sögur af Sæmundi fróða og fimm sögur af Bakkabræðrum. Sögurnar taka um 18 mínútur í lestri.

Sigurður Arent Jónsson les.

Þessi bók er skrifuð af því tilefni að Íslendingar gætu fljótlega þurft að taka af­stöðu til þess hvort innganga í Evrópusambandið sé skynsamleg. Þetta er ekki bók um kosti og galla aðildar Íslands að ESB, heldur gefur hún greinargóða lýsingu á uppbyggingu sambandsins, stjórn­kerfi þess og þróun til dagsins í dag. Sérstaklega er fjallað um eigin­leika tolla­banda­lags ESB, stefnu þess í landbúnaðar- og sjávarútvegsmálum og einnig um utanríkismál ESB og myntbanda­lag evrunnar. Áföll eins og fjármálahrun, Brexit, flóttamannavandi og heims­faraldur, sýna styrkleika og veikleika sambandsins og bókin rekur hvernig ESB gekk að vinna úr þeim. Í byrjun árs 2026 glímdi Evrópusambandið við stór vandamál sem tekin eru til skoðunar í bókinni, svo sem vaxandi lýðræðishalla, öldrun, versn­andi skulda­stöðu, ófjármagnaða lífeyrissjóði, stríð í Úkraínu, hátt orku­verð og ef­na­hags­samdrátt. Á sama tíma hefur fylgispekt aðildar­ríkjanna við stefnu og ýmsar ákvarðanir ESB minnkað. Evrópusambandið er nú á krossgötum. Leiðtogar sumra aðildarríkja og æðstu embættismenn ESB segja nauð­syn­legt að ESB verði að sam­bands­ríki og herveldi til að ráða við aðsteðjandi vandamál og treysta stöðuna í sam­keppni stór­velda í framtíðinni. Þessi bók er skrifuð fyrir þá sem vilja skilja betur hvernig ESB starfar og hverjar áskoranir þess eru í dag, einskonar rýniskýrsla og skyldu­lesning fyrir þá sem vilja vita „hvað er í pakkanum“. Lesari er gervigreindin Davíð. Hljóðbókin er efnislega eins og bókin fyrir utan myndir og neðanmálsgreinar.

The Rainbow Trail er vestri eða kúrekasaga eftir bandaríska rithöfundinn Zane Grey. Sagan hefur einnig komið út undir titlinum The Desert Crucible. Hún er sjálfstætt framhald skáldsögunnar Riders of the Purple Sage og gerist tólf árum síðar.

Richard Kilmer les á ensku.

Knútur í Álmvík er norsk sveitasaga og fjallar eins og nafnið gefur til kynna um drenginn Knút sem býr ásamt einstæðri móður sinni í Álmvík. Knútur er drengur góður, en á sér óvildarmann sem er jafnaldri hans, Óli frá Gröf, sem reynir að skemma fyrir honum á ýmsan máta. Knútur lendir í margvíslegum erfiðleikum af þeim sökum og ekki bætir úr skák þegar sorgin ber að dyrum. Eftir það fer Knútur til Ameríku eins og margir landar hans, en hann snýr aftur og verður þá uppgjör milli fornra fjenda.

Höfundurinn, John Lie (1846-1916), var kennari og bóndi, auk þess sem hann skrifaði sögur og ljóð bæði á norsku og dönsku. Sumar af sögum hans voru birtar í tímaritum Norðmanna vestanhafs og nutu mikilla vinsælda. Sonur hans, Haakon Lie (1884-1970), var einnig rithöfundur og var þekktur barnabókahöfundur í heimalandi sínu.

Kristján Róbert Kristjánsson les.