Hér er um að ræða átta frásagnir úr fórum Ólafs Ólafssonar sem ýmist hefur verið kenndur við Arnarbæli eða Guttormshaga. Eru þessar frásagnir bæði skemmtilegar og forvitnilegar fyrir margra hluta sakir. Þær voru gefnar út árið 1893 undir nafninu Nokkrar smásögur, en við höfum kosið að kalla þetta frásagnir því okkur finnst það lýsa þeim betur og trúum því að þær byggi á sönnum atburðum. Eru þetta stuttar frásagnir, flestar undir tíu mínútum. Yfirheiti þeirra eru: Dolores, Heppilegt kænskubragð, Fanginn í Glatz, Bænheyrslan, Sannleikurinn er farsæll, Nærri því greftraður, Æviágrip danskrar stúlku og Jakob Hartley.

Ingólfur B. Kristjánsson les.