The House of Mirth er skáldsaga eftir bandaríska rithöfundinn og Pulitzer-verðlaunahafann Edith Wharton.
Hér segir frá ungri yfirstéttarkonu í New York-borg við upphaf 20. aldarinnar. Eins og títt var um konur á Viktoríutímanum var Lily Bart alin upp með það að markmiði að giftast vel stæðum manni af góðum ættum. Eftir að fjárhagur fjölskyldunnar hrynur virðist góður ráðahagur vera eina leiðin fyrir hana til að endurheimta örugga stöðu í samfélaginu, en eftir því sem árin líða og æskuljóminn fölnar reynist það henni sífellt erfiðara. Þessi sígilda skáldsaga gefur góða innsýn í samkvæmislíf New York-borgar á þessum tíma, og gagnrýnir um leið siðferðislega veikleika og spillingu yfirstéttarinnar.
Sagan kom fyrst út á bók árið 1905 en hafði áður birst sem framhaldssaga í tímaritinu Scribner's Magazine. Hún naut strax mikilla vinsælda og seldist gríðarlega vel.
Elizabeth Klett les á ensku.
Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.
Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.
Lengd : 12:17:44 708,7 MB
