Gangstéttir í rigningu

Jón Óskar

Um söguna: 

Gangstéttir í rigningu er þriðja minningabók Jóns Óskars af sex og tekur upp þráðinn þar sem bókinni Hernámsáraskáld sleppir. Undirtitill bókanna er: Líf skálda og listamanna í Reykjavík.

Bókin nær yfir um átta ára tímabil, þ.e. hún hefst árið 1944 og nær fram til 1952 eða þar um bil. Þetta eru umbrotatímar bæði hvað varðar mannkynið í heild og hræringar hér heima varðandi list og listsköpun. Þegar hér er komið eru Atómskáldin svokölluðu farin að vekja meiri athygli og að sama skapi mæta þau meiri andstöðu en áður frá menningaroddvitum þjóðarinnar, varðhundum gamalla gilda og aðferða. Það er að renna upp fyrir þessum sjálfskipuðu varðhundum að tímarnir eru að breytast og nauðsynlegt að mæta þeim breytingum af meiri hörku ef vel á að vera.

Eins og í fyrri bókunum er frásögnin hreinskilin og einföld. Höfundur lýsir umhverfinu á hlutlausan hátt útfrá sjálfum sér en þó í ljósi eigin skoðana á mönnum og málefnum.

Bókin kom út hjá bókaforlaginu Iðunni árið 1971.

Ingólfur B. Kristjánsson les.

 

 

Ævisögur og frásagnir
Sækja fyrir almennar tölvur

Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.

Sækja fyrir spjaldtölvur og snjallsíma

Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.

Lengd : 06:06:17 352,1 MB

Cover Image: 
Lazy Loader Icon
Minutes: 
366.00
Gangstéttir í rigningu
Jón Óskar