Sjálfsævisaga Björns Eysteinssonar er án nokkurs vafa ein merkilegasta saga sinnar tegundar sem skrifuð hefur verið á Íslandi. Við lestur hennar fáum við ekki bara innsýn inn í líf og ævi Björns sjálfs og baráttu hans við heiðar og menn, heldur skynjum við einnig samfélagið sem fóstrar hann og er ekki alltaf hliðhollt þeim sem fara sínar eigin leiðir án þess að kvarta og kveina. Síðast en ekki síst skynjum við þétt tungutak tímans í frásögninni því oft á tíðum skrifar Björn eins og hann talar sem er afar áhugavert og upplýsandi. Það verður enginn svikinn af einlægri og hispurslausri frásögn þessa stórmerka manns.

Ingólfur B. Kristjánsson les.