Peter Cheyney (1896-1951) var breskur spennusagnahöfundur. Hann skrifaði bæði smásögur og skáldsögur og voru margar þeirra kvikmyndaðar, einkum af frönskum kvikmyndagerðarmönnum. Verk Cheyney seldust í milljónum eintaka meðan hann var á lífi, en eru nú flestum gleymd. Áhrifa hans gætti þó mjög í verkum annarra höfunda á árunum eftir síðari heimsstyrjöldina.



Cheyney hafði þann hátt á að hann þuldi verk sín af munni fram með leikrænum tilburðum, en einkaritari hans skrifaði þau upp eftir honum með hraðritun, en vélritaði síðan.

Ólöf Rún Skúladóttir les.