Ferðataskan er sérlega skemmtileg og spennandi saga sem segir frá járnsmiði einum í Hamborg, Pétri að nafni, sem hefur misst vinnuna og hungrið er farið að sverfa að honum og fjölskyldunni. Reynir hann allt hvað hann getur til að fá sér vinnu og fer t.a.m. á lestarstöðvarnar og býðst til að bera farangur vel stæðra farþega í von um einhverja hungurlús. Eitt kvöldið fær ferðalangur hann til að vísa sér á hótel, en það á eftir að verða þeim báðum afdrifaríkt.

Sagan birtist í bók árið 1907 sem gefin var út af Prentsmiðju Ísafoldar og Hafnarfjarðar. Er höfundar ekki getið.

Ingólfur B. Kristjánsson les.