Sagan Hringar Serkjakonungs er rómantísk ævintýrasaga af bestu gerð eftir einn fjöllesnasta rithöfund Þjóðverja á þeim tíma er hún kom út. Sagan kom fyrst út árið 1888 undir nafninu Flittergold. Meginþráður bókarinnar byggir á sönnum atburðum og lífshlaup Krackwitz, meginhetju sögunnar, byggði höfundur á raunverulegum dagbókarskrifum. Sagan kom fyrst út í íslenskri þýðingu árið 1907 og var gefin út af Prentsmiðju Odds Björnssonar á Akureyri.

Höfundurinn Fedor von Zobeltitz fæddist 5. október 1857 í Spiegelberg í Þýskalandi. Ungur var hann sendur til náms í herskóla og lá fyrir honum að gerast riddaraforingi í hernum en árið 1880 sneri hann við blaðinu öllum að óvörum, hætti í hernum, flutti til Berlínar og fór að skrifa í blöð. Til að hafa ofan af fyrir sér tók hann að skrifa skáldsögur og varð brátt vinsæll höfundur. Skömmu síðar fóru hlutirnir líka að gerast fyrir honum í blaðamennsku og stundaði hann blaðamennsku með góðum árangri eftir það samhliða því að hann skrifaði skáldsögur.

Jón B. Guðlaugsson les.