Karel Capek var tékkneskur rithöfundur sem skrifaði alls kyns skáldverk en er þó helst kunnur fyrir vísindaskáldskap sinn. Skáldsagan War with the Newts (1936) var mikið lesin og leikritið R.U.R. eða Rossum´s Universal Robots hlaut góðar undirtektir. Í því verki var orðið robot (vélmenni) fyrst kynnt til sögunnar. Var hann sjö sinnum tilnefndur til Nóbelsverðlauna í bókmenntum þó hann hlyti þau aldrei. Sagan Eyjan er ekki vísindaskáldsaga en hún segir frá manni frá Lissabon sem þrátt fyrir gott líf í Lissabon ákveður að rífa sig upp til að skoða heiminn.