Með straumnum

Með straumnum: Nokkrar æviminningar er ein af þessum frábæru endurminningabókum eftir alþýðumann sem hefur frá mörgu að segja og gefur okkur öðruvísi en samt frábæra innsýn inn í ákveðna afkima lífsins sem fáum er fært. Hér er ekki á ferðinni einhver bautasteinn menntamanns sem til er svo mikið af og miðast fyrst og síðast að hégóma höfundarins sjálfs. Nei, hér er einfaldlega á ferðinni maður sem hefur gaman af því að segja frá og miðla til annarra. Það verður enginn svikinn af þessari frásögn.

Sigurður Árnason lést árið 1952, tveimur árum eftir að endurminningarnar komu út, en hann var fæddur á Patreksfirði árið 1877.

Hallgrímur Indriðason les.