Spæjaragildran

Spæjaragildran fjallar eins og nafnið gefur til kynna um njósnir og átök stórvelda í Evrópu. Ungur Englendingur, Guy Poynton, verður vitni að sérkennilegum fundi í skógi í Þýskalandi. Hann heldur síðan til Parísar þar sem hann hverfur sporlaust. Systir hans, Phyllis, sem ætlaði að hitta hann þar, hverfur einnig og hefst þá mögnuð atburðarás.

Enski rithöfundurinn Edward Phillips Oppenheim (1866-1946) var á sínum tíma gríðarlega afkastamikill og vinsæll höfundur spennusagna. Hann skrifaði yfir 100 skáldsögur á árunum 1887-1943 og fjölda smásagna. Fjölmargar sögur hans hafa verið kvikmyndaðar.

Kristján Róbert Kristjánsson les.