Þó svo að hann sé mörgum gleymdur var Einar Hjörleifsson einn helsti íslenski rithöfundur sinnar samtíðar, auk þess sem hann lét mikið til sín taka á öðrum sviðum lista og menningar. Hann var eldhugi og trúr sinni sannfæringu. Þrátt fyrir að skoðanir hans og verk féllu ekki öllum í geð og hann eignaðist ákafa andstæðinga, efaðist enginn um heilindi Einars í öllu þv í sem hann tók sér fyrir hendur og frýjuðu honum hvorki vits né hæfileika.