The Cricket on the Hearth er jólasaga eftir Charles Dickens. Sagan kom fyrst út árið 1845. Hér koma margar litríkar persónur við sögu.
Gamla húsið er stutt skáldsaga eftir Guðrúnu Lárusdóttur. Rúna litla býr á ríkmannlegu heimili hjá sýslumanninum föður sínum og strangri frænku sinni. Í gömlu koti við hliðina búa öldruð hjón sem eiga eina dóttur, Diddu, sem farin er af landi brott.
Alphonse Daudet (1840-1897) var franskur rithöfundur sem samdi jöfnum höndum smásögur, skáldsögur, leikverk og ljóð. Þykja smásögur hans afar góðar og vilja margir meina að hann sé einn af fremstu smásagnahöfundum allra tíma. Sagan Gamalmennin er gott dæmi um snilli Daudets.
Snæljós eftir Eystein Björnsson segir frá Gunnari sem finnur fyrir nálægð dauðans og fer í kjölfarið að rifja upp erfiða tíma úr fortíðinni. Honum verður hugsað til systur sinnar Bjöggu en þau voru mjög náin uns ákveðinn atburður stíaði þeim í sundur. Hvað var það sem gerðist?
Sagan Kross-örið er stutt spennusaga eftir rithöfundinn Fred M. White (1859-1935) sem á sínum tíma var vinsæll og afkastamikill höfundur spennusagna. Er hann af mörgum talinn einn af forvígismönnum njósnasagna.
Öldungaráðið er syrpa viðtala við elstu kynslóð Íslendinga.
Hin sígilda skáldsaga Anna Karenina eftir rússneska rithöfundinn Leo Tolstoy kom fyrst út á bók árið 1878 og er enn í dag talin eitt af bestu skáldverkum heimsbókmenntanna.
Sögurnar um Pétur Most eftir danska rithöfundinn Walter Christmas (1861-1924) voru vinsælar unglingabækur sem komu út á íslensku árin 1967-1973. Urðu þær 5 talsins.
Litla Tvíeygð er barnasaga eftir ókunnan höfund.
Sigurður Arent Jónsson les.
Ásmundur Gíslason var fæddur að Þverá í Dalsmynni í Suður-Þingeyjarsýslu 21. ágúst 1872. Foreldrar hans voru Gísli Ásmundsson bóndi þar og kona hans Þorbjörg Ásgeirsdóttir. Var Gísli bróðir hins þjóðkunna gáfumanns Einars í Nesi.
Guy de Maupassant (1850-1893) var franskur höfundur sem naut mikilla vinsælda í Frakklandi og víðar á síðari hluta 19. aldar. Einbeitti hann sér einkum að smásagnaforminu og hefur ásamt nokkrum öðrum verið talinn hafa rutt brautina fyrir nútíma smásögunni.
Bláskógar IV er fjórða og síðasta bókin í ljóðasafni Jóns Magnússonar. Í því er að finna tvö skemmtileg og áhugaverð söguljóð. Hið fyrra nefnist Björn á Reyðarfelli og hið síðara Páll í Svínadal.
Sakamálasagan The Leavenworth Case: A Lawyer's Story kom fyrst út árið 1878 og var fyrsta skáldsaga höfundar. Sagan varð strax metsölubók og hafði mikil áhrif á þróun sakamálasagna, enda kom hún út níu árum áður en fyrsta sagan um Sherlock Holmes leit dagsins ljós.
Þúsund og ein nótt er safn af sögum frá ýmsum höfundum og úr ýmsum ritum. Sögurnar eiga rætur að rekja til Arabíu, Indlands, Persíu, Egyptalands og Sýrlands meðal annars, allt frá fornöld til miðalda. Talið er að safnið sjálft megi rekja til 8. eða 9. aldar.
Í síðasta mánuði fórum við af stað með nýjan lið hér á Hlusta.is sem við köllum Öldungaráðið, en það eru stuttir og skemmtilegir viðtalsþættir við merkt fólk sem lifað hefur tímana tvenna.