The Secret Garden er sígild barnasaga eftir Frances Hodgson Burnett. Mary Lennox er send til að búa hjá frænda sínum í Yorkshire á Englandi eftir að foreldrar hennar látast af veikindum. Við fyrstu sýn líst henni afar illa á hið nýja heimili sitt, sem geymir ýmis leyndarmál.
The Shrieking Pit eftir ástralska rithöfundinn Arthur J. Rees (1872–1942) er gamaldags sakamálasaga af bestu gerð.
The Sign of the Four eftir Arthur Conan Doyle er önnur skáldsagan í röðinni um Sherlock Holmes og Watson lækni. Doyle skrifaði alls fjórar skáldsögur og 56 smásögur um þá félaga.
David Clarke les á ensku.
The Story of Doctor Dolittle, Being the History of His Peculiar Life at Home and Astonishing Adventures in Foreign Parts er saga fyrir börn um lækni sem lærir að tala við dýr og gerist í kjölfarið dýralæknir. Sagan kom fyrst út árið 1920 og er að einhverju leyti barn síns tíma.
Sagan um Pétur Pan eftir skoska rithöfundinn og leikskáldið J. M. Barrie (1860-1937) er ein þekktasta barnasaga enskra bókmennta.
Phil Chenevert les á ensku.
Hin sígilda saga The Strange Case of Dr Jekyll and Mr Hyde eftir skoska rithöfundinn Robert Louis Stevenson kom fyrst út árið 1886.
Lögfræðingurinn Gabriel John Utterson rannsakar dularfulla atburði er tengjast vini hans, Dr Henry Jekyll, og hinum illa Edward Hyde.
The Strategist er smásaga eftir breska rithöfundinn Saki, sem hét réttu nafni Hector Hugh Munro.
Ruth Golding les á ensku.
The Thirty-nine Steps eftir John Buchan er æsispennandi saga þar sem fléttast saman njósnir, morð, leyndarmál og hasar. Vorið 1914 er skoski verkfræðingurinn Richard Hannay nýkominn heim til London eftir langa dvöl erlendis.
Tímavélin (The Time Machine) kom út árið 1895 og var fyrsta skáldsagan sem kom út eftir H. G. Wells. Er þetta vísindaskáldsaga og fyrsta bókin af mörgum síðan þar sem þessi hugmynd um tímaflakk með einhvers konar vél er reifað.
The Touchstone er stutt skáldsaga eða nóvella eftir bandaríska rithöfundinn Edith Wharton. Sagan kom út árið 1900 og var fyrsta nóvella höfundar.
Breski rithöfundurinn Saki hét réttu nafni Hector Hugh Munro (1870-1916). Hann er hvað þekktastur fyrir hnyttnar sögur þar sem hann hæðist að bresku samfélagi og menningu við upphaf 20. aldarinnar.
Tae Jensen les á ensku.
The Trimmed Lamp er hnyttin smásaga um stúlkur í eiginmannaleit.
Bandaríski rithöfundurinn O. Henry (1862-1910), sem hét réttu nafni William Sidney Porter, var þekktur fyrir leiftrandi kímni, orðaleiki og sniðugar fléttur í smásögum sínum.
Þessi saga er lesin á ensku.
Hin þekkta og ástsæla barnasaga The Wind in the Willows eftir Kenneth Grahame kom fyrst út árið 1908. Hér segir frá félögunum Mole, Rat, Mr. Toad og ævintýrum þeirra.
Adrian Praetzellis les á ensku.
This Side of Paradise eftir bandaríska rithöfundinn F. Scott Fitzgerald kom út árið 1920 og var fyrsta skáldsaga höfundar. Hér segir frá ungum stúdent við Princeton-háskóla, Amory Blaine, ástum hans og framtíðardraumum á árunum í kringum fyrri heimsstyrjöldina.
Smásagan To Build a Fire er af mörgum talin með bestu verkum bandaríska rithöfundarins Jack London (1876-1916). Söguna byggði hann á eigin reynslu við gullgröft í Klondike á tímum gullæðisins.