Nítján smáþættir er safn smásagna eftir Matthías Johannessen. Sögurnar bera höfundi sínum vitni. Stíllinn er sérstæður og getur stundum verið erfitt að greina hvort um er að ræða smásögu, samtal, minningarþátt eða ritgerð.
Bjarki Jónsson les.
Oddrúnargrátur er smásaga eftir Jónas Jónasson frá Hrafnagili.
Kristján Róbert Kristjánsson les.
Offrið er smásaga eftir Jónas Jónasson frá Hrafnagili.
Kristján Róbert Kristjánsson les.
Ógróin jörð er safn smásagna eftir Jón Björnsson ritstjóra (1891–1930). Jón fékkst einkum við blaðamennsku, var um tíma aðstoðarritstjóri Morgunblaðsins en hóf árið 1928 að gefa út blaðið Norðling á Akureyri. Hélt hann því áfram þar til hann lést árið 1930, einungis fertugur að aldri.
Þorgils gjallandi hét réttu nafni Jón Stefánsson og var vinnumaður og bóndi í Mývatnssveit. Hann veigraði sér ekki við að kanna dýptir mannlegs eðlis í skrifum sínum, auk þess sem frelsi og hamingja einstaklingsins voru honum hugleikin. Smásöguna Ósjálfræði skrifaði hann árið 1890.
Þrátt fyrir að Einar Kvaran væri sannfærður spíritisti tók hann sjálfan sig ekki alltaf mjög hátíðlega, eins og sagan Óskin ber með sér.
Áhugaverð og skemmtileg saga.
Ingólfur B. Kristjánsson les.
Sagan Rósa í síldinni mun hafa verið skrifuð árið 1933 en kom fyrst út í bók ásamt sögunni Grímu undir nafninu Tvær sögur árið 1945 að því er við best vitum. Er þetta frábær saga sem tekur rúmlega klukkustund í lestri.
Saga úr sveitinni eftir Erlend Jónsson er brosleg sýn á lífið í sveitinni fyrir norðan, frá sjónarhorni tólf ára aðkomudrengs.
Kristján Róbert Kristjánsson les.
Sagan af Hakanum Hegg er áhugaverð smásaga eftir Valgarð Egilsson.
Höfundur les.
Sagan af Sigurði formanni er smásaga eftir Gest Pálsson.
Björn Björnsson les.
Ingólfur B. Kristjánsson les.
Seingróin sár er smásaga eftir Þorgils gjallanda, en hann hét réttu nafni Jón Stefánsson.
Jón Sveinsson les.
Torfhildur Hólm (1845-1918) var á sínum tíma einn mesti rithöfundur okkar Íslendinga. Hún var jafnframt fyrsti íslenski höfundurinn sem skrifaði sögulegar skáldsögur og fyrsta íslenska konan sem skrifaði skáldsögu. Þá var hún fyrsti íslenski atvinnurithöfundurinn.